பகலவன் மேல்நிலைப் பள்ளி - சன் குழுமத்திலிருந்து

இன்று பல துறைகளிலும் கால் பதித்துள்ள சன் குழுமம் நாளைக்கே ஒரு பள்ளியை துவக்கினால், அந்த பள்ளிக்காக எப்படி விளம்பரப்படுத்துவார்கள் என்ற யோசனையில் உதித்த சிறு கற்பனை.

(சூரியன் எப்.எம். பாணியில் படிக்கவும்)

பகலவன் பள்ளி...

படிங்க... படிங்க... படிச்சிக்கிட்டேயிருங்க...
------


(சன் டி.வியில் வரும் திரைப்பட விளம்பர பாணியில் படிக்கவும்)

உலக வரலாற்றிலேயே முதல்முறையாக...
கருவுக்கு வந்து சில நாட்களேயான...
புத்தம் புதிய குழந்தைக்கு...
அட்மிஷன்.. இன்று பகல் 10,00 மணிக்கு....
நீங்களும் வாங்கத் தவறாதீர்கள்...
-----


(குங்குமம் விளம்பர பாணியில் படிக்கவும்)

இந்த மாதம்...பகலவனில்..

முதல் ரேங்க் யார் வாங்குவார்கள்?
பத்தாம் வகுப்பு மாணவர் பேட்டி...


ட்யூஷன் மாணவர்களுக்கு அதிக மதிப்பெண்கள் போட்டேனா?
பொருளாதார ஆசிரியர் பரபரப்பு பேட்டி...


பெண்கள் கழிப்பறையில் ஆபாசமாக எழுதியது யார்?
ஒரு துப்பறியும் ரிப்போர்ட்...


அத்துடன்..இந்த மாதம்...டெர்ம் பீஸுடன்..
ரூபாய் 5 மதிப்புள்ள அருமையான லேபில்கள் இலவசம்...

டெர்ம் பீஸ்... கட்டிவிட்டீர்களா...


-----

(திரை விமர்சனம் ரத்னா பாணியில் படிக்கவும்)

வணக்கம்..

இந்த மாதம் பள்ளி விமர்சனத்தில்...

பத்தாம் வகுப்பு மாணவர்கள் பங்கேற்கும்...
"தேர்வுக்குப் படிப்பு"...


வழக்கம்போல இந்த மாதமும் பெண்கள் மிக நன்றாக படித்துள்ளார்கள்.
சண்டைக் காட்சிகளில் ஆண்கள் அருமையாக அடித்துள்ளார்கள்.
மாதம் முழுக்க நகைச்சுவைக் காட்சிகளே நிறைந்துள்ளன.
ஆசிரியர்கள் இன்னும் பாடங்களில் கவனம் செலுத்தலாம்.


மொத்தத்தில் தேர்வுக்குப் படிப்பு....
வெறும் நடிப்பு